مقبرة الغزاة البيولوجية .. عن أصول المصريين

الي في الصورة هما العالمين وليام بتري وشريكه إرمن أحد أهم علماء المصريات وأبرزهم في القرن العشرين ووليام اللي أدخل المنهج العلمي في علم ودراسة الآثار، عاش معظم عمره في مصر واكتشف الكثير والكثير من المقابر المصرية وضمن اهم مؤلفاته كتابه "١٠ سنوات من الخفر في مصر" وكان من ضمن أهم إكتشافاته لوحة مرنبتاح الشهيرة..وده اللي هو استخلصه هو شريكه الألماني من بعد خبرتهم الطويلة ومقارناتهم..

هل بتري وإرمن الوحيدين اللي عملوا أبحاث عن أصول الشعب المصري؟ هل شهادتهم هي الشهادة الوحيدة؟ الإجابة لا اللي قاله إرمن ودعمه في الرأي بتري سبق وقاله علماء مختلفيين في التاريخ والجينات تعالوا نديكم نبذة..

شهادات علمية

العالم " ستيفين كون " عالم الأنثروپولوچيا الطبيعية، بيقول في كتابه' أعراق أوروبا '':

"لا بد أن تظل مصر القديمة أبرز مثال معروف فى التاريخ وحتى الأن لمنطقة معزولة طبيعيا أتيح فيها لأنواع الجنسية المحلية الأصيلة أن تمضى فى طريقها لعدة آلاف من السنين دون أن تتاثر إطلاقًا باتصالات أجنبية".

كلام " كون "بيأكده العالم والباحث الآثرى المعروف "برودريك" في كتابه' شجرة التاريخ البشري " و بيقول:

"من الواضح طوال الستة آلاف سنة الأخيرة أو يزيد أنه لم يكن هناك أى تغيير ملحوظ فى مظهر عموم المصريين , فالبراريون وأهل حضارة نقادة الأولى والثانية ومصريو الأسرات والفلاحون الذين نراهم يعملون فى الحقول اليوم كلهم من نفس النمط القاعدى المتوسط"

عالم الأنثروبولوجى وخبير علم التشريح "أرثر كيث" فى كتابه' نظرية جديدة عن التطور البشري' بيأكد الاستمرار الجينى للمصريين وبيقول:

"أن الفلاحين الذين نراهم يؤلفون جسم الأمة اليوم هم النسل المباشر لفلاحى سنة ٣٣٠٠ قبل الميلاد".

بيقول كمان:

"المصريين ليسوا فقط أمة، أقدم أمة سياسية في التاريخ، ولكنهم أيضا جنس بكل معني الكلمة. ولكن ليس هناك شيء اسمه النقاوة الجنسية عمومًا، بل إننا ليمكننا أن نذهب إلى حد القول بأنه ما من شعب, مهما كان منعزلا أو معزولا، إلا وهو مختلط بدرجة أو بأخري .. وإن كان النمط الجنسي المصري قد امتاز بالثبات لا شك".

وأما العالم المصرى "سليمان حزين" فى كتاب (تاريخ الحضارة المصرية: العصر الفرعونى) فانتهى لنفس النتايج و بيقول:

"إن القبائل العربية التى نزحت فى العهد العربى إلى وادى النيل الأدنى لم تؤدى إلى حدوث أى تغيير فى تكوين المصريين العام نتيجة لموجات العرب المتلاحقة"

وفى كتاب "القبائل العربية فى مصر فى القرون الثلاثة الأولى للهجرة " للدكتور عبد الله خورشيد البرى واللى بيرصد فيه السلالات العربية من قبل الفتح العربى على مصر ولحد النهاردة بالتفصيل بأنسابهم وأصولها وفروعها، فبيأكد نفس النتايج وبيقول:

"يرجع عدم تغير تكوين المصريين العام بقلة عدد العرب الوافدين بالنسبة لمجموع الشعب المصرى.. وهذه الظاهرة نلاحظها فى جميع مراحل تاريخ مصر، فقد توافد على المصريين كثير من الأجناس المختلفة امتزجوا بالمصريين امتزاجا دمويا دون أن يؤدى ذلك إلى تغيير خصائص المصريين الجنسية، لأن هؤلاء الوافدين كانوا يفلحون فقط فى تجديد دماء المصريين دون تغييرها اذ لا يلبث الشعب حتى يهضمهم ويتمثلهم، وكان ذلك أحد عوامل احتفاظ المصريين بحيويتهم عبر العصور.

أما عالم البيولوجى والمفكر المصرى حسين فوزي فبيقول فى كتابه "سندباد مصري":

"ذلك الجنس الواحد الباقي. والمصري، الذي انعزل في واديه الخصب وسط الصحراء والهضاب والجبال والبحار، احتفظ بطابعه الإثنوغرافي، غير مشوب في أغلبه، إلي يومنا هذا، والشعوب التي اعتدت علي مصر، أو استقرت فيها وعاشرت أهلها واختلطت بهم, لم تكن أكثر من قطرات ماء في بحر خضم من بشرية مصرية أصيلة.

أما جمال حمدان فى كتابه شخصية مصر فبيقول: "مصر لم تتعرض أساسا للهجرات البشرية وإنما للغزوات الحربية؛ وهي محدودة من حركة ذكرية بحتة ولذا تذوب إن لم تبد"،"ورغم الأعداد الكبيرة التي انصبت من العرب في مصر، ورغم الاختلاط البعيد المدى الذي تم مع المصريين فإن هذا لم يغير من التركيب الأساسي لجسم السكان أو دمهم".

طب هل الموضوع متوقف علي بعض الشواهد والكلمات من بعض العلماء؟

الحقيقة إنها مش متوقفة علي كده بس لا بالعكس في العديد من الابحاث الجينية الي بتتكلم عن اصول الشعب المصري ومدي ترابطة باجدادة والي وصلت فيها النتائج لدرجات عالية جدًا.

الأبحاث جينية

1. الغالبية العظمى من المصريين الحاليين وبنسبة ( ٧٧،٣٪) على الأقل بيحملوا نفس الصفات الجينية للمصريين قديمًا.

2. أما الصفات الجينية المنتمية لشعوب الشرق الأدنى فنسبتها حوالى (١٠،٣٪) و بتتقسم لمجموعتين.

   1. المجموعة الأولى: مجموعة (العرب - اليهود - الأتراك - الأكراد - إيران - العراق - الأردن - فلسطين - سوريا - لبنان، إلخ..) فنسبتها (مجتمعة) بين الشعب المصرى رغم كل الهجرات والغزوات مش أكتر من (٥،٢٪) ده بيأكد كلام المقريزى اللى عاش وقت حكم المماليك ( اللى مكنوش عرب ) و مات سنة ١٤٢٢م فى كتابه "البيان والإعراب عما بأرض مصر من الأعراب" لما قال: "أعلم أن العرب الذين شهدوا فتح مصر قد أبادهم الدهر وجهلت أحوال أكثر أعقابهم، وقد بقيت من العرب بقايا بأرض مصر" (يقصد القبائل العربية الموجودة حاليا فى مصر)

   2. المجموعة التانية ( جنوب أوروبا ، اليونان - تركيا، الخ..) فنسبتها حوالى (٥،١٪)

3. وأما الصفات الجينية الأوروبية (غرب أوروبا – ايطاليا " الرومان " – الفرنسيين – الانجليز .. إلخ) فنسبتها حوالى (٥،٥٪) النسبة الباقية (٦،٩٪) متوزعة على صفات جينية متباينة من أصول مختلفة غير محددة المنشأ، يعنى موجودة فى كل العالم بس مش معروف منشأها ايه.

4. توزيع فصائل الدم فى مصر فى العصر الحالى بيوضح إن الجماعات السكانية متجانسة تماما، ومفيش أى فروق ذات دلالة إحصائية بين المسلمين والمسيحيين، الفحوص المقارنة للرأس ومقاييس الجسد (البشرة – الشعر – العين - الأسنان، الخ..) بتوصل دايمًا لنتائج متطابقة.

5. المصريين الأوائل كانوا فى أرضهم دى من عصر البليستوسين- من حوالى ١٥ ألف سنة، (ولدرجة كبيرة جدًا) متأثروش بالغزوات أو الهجرات..المصريين هم المصريين، زى ما كانوا من آلاف السنين.

6. مصر بحكم جغرافيتها اللى خلتها معزولة طبيعيا، قدرت تثبت وترسخ أساس أنثروبولوجى جينى قاعدى استمر لآلاف السنين بدون اى تغيير أو تأثر بأى شعوب أجنبية (وده واضح فى كل الرسومات والمومياوات والتماثيل طول فترة الحضارة المصرية القديمة..وواضح فى نتايج كل الأبحاث والدراسات الحديثة للصفات الجينية للمصريين الحاليين)

7. وبالتالى كان الأساس القاعدى ده (اللى كان قبل المسيحية على الأقل ب٤٥٠٠ سنة..وقبل الإسلام بـ٥٠٠٠ سنة) موجود وواخد صورته النهائية والمميزة قبل وجود مسلمين أو مسيحيين أو غيرهم، وكافى لأنه يصهر جواه أى صفات وراثية وافدة فى أى مرحلة تالية نتيجة غزو أو هجرة، خصوصا إن الهجرات اللى حصلت على مصر وأشهرها هجرات القبائل العربية كانت دايمًا بأعداد لا تذكر مقارنة بأعداد المصريين الأصليين.

8. الصفات الجينية اللى ممكن تبان غريبة عن المصريين زى البشرة المايلة للبياض ونعومة الشعر واعتدال حجم الأنف مش صفات جديدة على المصريين، الصفات دى موجودة بالفعل من آلاف السنين..يعنى مش بالضرورة لازم تكون نتيجة تزاوج مع شعوب تانية، و هنلاقي كتير من الصفات دى موجود فى عشرات التماثيل والمومياوات.

9. القبائل الموجودة فى مصر مش بس من الجزيرة العربية، إنما كمان من الأمازيغ (ليبيا – المغرب – تونس) واللى وفدوا لمصر فى زمن الدولة الفاطمية ورجعوا تانى بأعداد أكتر فى القرن ١٨ وتركزوا فى الصحراء الغربية، حتى إن بعض العلماء بيشوفوا أن أكتر بدو مصر من المغاربة مش من عرب الجزيرة غير النوبيين اللي وفدوا لمصر حديثًا

10. فى بعض الدراسات وصلت نسبة الإحتفاظ بنفس الصفات الجينية للمصريين القدماء إلى ٩٠٪ زي

"Frank Yurco, "An Egyptological Review" in Mary R. Lefkowitz and Guy MacLean Rogers, eds. Black Athena Revisited. Chapel Hill: University of North Carolina Press, 1996. p. 62-100"

في الأخير

البوست ده توثيق لكل من تسوّل له نفسه المساس بأصول الشعب المصري وتزويرها..فلما نتكلم عن أصول أي شعب في الدنيا بنلجأ للبحث في المصادر التاريخية والعلمية الصحيحة وبنحتج بيها وبنبني عليها كلامنا أما غير كده بيكون خرافات ملهاش لزمة ولا يعتد بيها وغالبًا بتكون ناتجة من توجهات سياسية وأجندات خبيثه تعادي الشعب المصري والدولة المصرية فا الخلاصة مينفعش نسيب كلام العلماء ونحتج بهرتلة وكلام فاضي.

المصادر:

1. Flinders Petrie (1853- 1942)

2. Genetics, Egypt, and History: Interpreting Geographical Patterns of Y Chromosome Variation History in Africa, Volume 32, 2005, pp. 221-246 (Article) Published by African Studies Association DOI: 10.1353/hia.2005.0013

3. History in the Interpretation of the Pattern of p49a,f TaqI RFLP Y-Chromosome Variation in Egypt: A Consideration of Multiple Lines of Evidence S.O.Y. KEITA - National Human Genome Center at Howard University, and Department of Anthropology, Smithsonian Institution, Washington, DC 20060

4. Y chromosomal haplogroup J as a

   signature of the post-neolithic colonization of Europe "Department of Biology, University “Tor Vergata”, Rome, Italy Hum Genet (2004) 115: 357–371 , DOI 10.1007/s00439-004-1168-9

5. "The Racial History of Egypt and Nubia" The Journal of the Royal Anthropological Institute, 75:1945, pp. 81-101; 76:1946, pp. 131-56)

6. DNA from ancient Egyptian mummies reveals their ancestry - Washington Post

7. Genome of ancient Egyptian mummy analyzed - CBC

8. The first genome data from ancient Egyptian mummies - Science Daily

9. DNA discovery reveals genetic history of ancient Egyptians - CNN

10. Ancient Egyptian mummy genomes - US National Library of Medicine

11. DNA analysis proves that Egyptians are not Arabs - Egypt Independent

12. Ancient Egyptian mummy genomes - Nature

13. Ancient Egyptian race controversy - Multiple Resources

الترابط الجيني والاصولي بين مسلمين ومسيحين مصر وامتداد اصولها الي المصريين القدماء:

حسب أجدد دراسة جينية لجامعة القاهرة فلا يوجد فرق بين المصريين المسلمين والمسيحيين جينياً.

وذلك بعدما تم جمع ومقارنة عينات من مختلف مناطق أهل مصر في بحري والصعيد والمدن وتشابه الطرفين المسلم والمسيحي دون إكتشاف اختلافات بينهم في التركيب الجيني والأتوسومال (Autosomal STR's).

وقد حدد أصحاب الدراسة بناءاً علي ذلك أن الطرفين لديهم نفس الأجداد المتمثلين في شخص المصريين القدامي.

ويتناسب الموضوع مع عدم وجود اختلافات واسعة بين المسلمين والمسيحيين سواء في السلالات الجينية أو الثقافة أو الأشكال.

الترابط الجيني والاصولي بين مسلمين ومسيحين مصر