في حلقة جديدة من برنامج "بال AI" على قناة الشمس، استضافوا الشاب أبرام عادل، مؤسس مشروع "مانيتو" وأحد العقول الشابة اللي قررت تستخدم التكنولوجيا علشان ترجع صوت الحضارة المصرية من تاني.
"مانيتو" هو أول نظام في العالم بيستخدم الذكاء الاصطناعي في ترجمة النصوص الهيروغليفية بشكل مباشر. كل اللي عليك تعمله إنك توجّه كاميرا موبايلك على أي نقش أو جدارية، والنظام هيترجم لك المعنى فورًا. مش بس كده، الآثار نفسها بقت "تحكي" القصة بصوت وتقنية تفاعلية تحسسك إنك عايش وسط التاريخ.
المشروع ده مش مجرد تطبيق أو تقنية جديدة، ده خطوة حقيقية في طريق ربط المصريين بحضارتهم، وتقديمها للعالم بشكل مبهر وسهل الفهم.