اخر تحديث | السبت، ٥ أغسطس ٢٠٢٣
مستقبل مصر في علوم البيئة والأرض .. ياسمين يحي مصطفي
البنت اللي في الصورة دي هي واحدة من اهم الباحثيين في العالم آخر كام سنة بل نقدر نقول إنها نموذج مثالي للباحثين الشباب في العلوم.
البنت اللي في الصورة دي هي واحدة من اهم الباحثيين في العالم آخر كام سنة بل نقدر نقول إنها نموذج مثالي للباحثين الشباب في العلوم.
مين هي ياسمين يحي
هي باحثة مصرية في مجال علوم البيئة والارض من قرية المنازلة بمحافظة دمياط.
شاركت في مسابقة " انتل الدولية للعلوم والهندسة" سنة ٢٠١٥ وعمرها ١٧ سنة من بين ١٧٠٠ متسابق من اكتر من ٧٨ دولة وقدرت إنها تحقق المركز الأول علي مستوي العالم عن فئة علوم الأرض والبيئة عن بحثها و اختراعها لجهاز يعمل على تبخير المياه على حرارة حرق قش الأرز وتوليد الطاقة من خلاله وهي أول مصرية وأول باحثة في المنطقة تحقق الانجاز ده، ودي تعتبر من أكبر الجوائز في العالم اللي بيتم تخصيصها للمشاريع العلمية الواعدة.
التكريم والاهتمام العالمي
شركة "هاينمان" الأمريكية اختارت قصة النابغة "ياسمين يحي مصطفي" عشان تتعمل كتاب ويتوزع منه مليون نسخة علي المدارس والجامعات عشان الطلاب يتعلموا من رحلتها وتجربتها ويحاولو يكونوا زيها في يوم من الأيام
مش بس كده تقديراً للإنجاز ده وكالة ناسا الفضائية أطلقت إسم عائلة ياسمين علي مجموعة من الكويكبات اسمها (MOUSTAFA31910) علي اسم جد ياسمين.
وبعد الجائزة التقت ياسمين بالرئيس السيسي ٥ مرات منها مقابلة تكريم ليها بعد انجاازتها واتكلمت معاه فى اهمية دعم البحث العلمى.
ياسمين عندها حاليا ٢٤ سنة ورغم صغر سنها بيتم دعوتها للحضور في المؤتمرات الدولية الكبري وحاليا بتشتغل علي اكتر من مشروع علمي وبيتوقع لها الجميع بمستقبل علمي باهر.
