شارك فريق Menofia Racing Team - MRT، وهو فريق طلابي من كلية الهندسة جامعة المنوفية، في واحدة من أكبر وأقوى المسابقات الهندسية على مستوى العالم: Formula Student UK، واللي بتنظمها مؤسسة المهندسين الميكانيكيين البريطانية (IMechE) في إنجلترا من سنة 1998.
المسابقة دي بتعتبر تحدي ضخم لطلبة الهندسة من مختلف دول العالم، وبيشارك فيها أكتر من 150 جامعة عالمية، من ضمنهم جامعات عريقة زي MIT، وOxford، وTU Munich، وPoliMi.
والحمد لله، قدر فريق MRT إنه يجتاز كل مراحل التقييم بنجاح، ويمثل مصر بشكل مشرف وسط منافسة عالمية شرسة، بفضل مجهوده الكبير وتفانيه في العمل، بداية من التصميم الكامل للسيارة (Concept Design) لحد تصنيعها بالكامل، رغم ضعف الموارد والدعم المحدود.
المنافسة مش بس بتعتمد على السرعة، لكن كمان بتقيم الفرق على معايير تانية مهمة زي:
مشاركة فريق MRT في المسابقة دي شهادة حقيقية على قدرات شبابنا في الابتكار، والعمل الجماعي، والتفكير النقدي، وإثبات إن عندنا عقول مصرية قادرة تنافس في المحافل الدولية.
كل التحية والتقدير لفريق MRT على إنجازه العظيم، وبنتمنالكم كل التوفيق في المسابقات الجاية.