من ساعات، جامعة هارفارد الأمريكية ومعاها مجلة Science، أهم دورية علمية في العالم، أعلنوا عن إنجاز علمي غير مسبوق هيغير شكل المستقبل حرفيًا، واللي وراه شاب مصري عبقري:كيرلس موسى عجايبي يوسف
طالب دكتوراه بكلية الهندسة والعلوم التطبيقية في جامعة هارفارد.
كيرلس – عنده ٢٩ سنة – اخترع جهاز مصغّر بيقدر يتحكم في جزيئات الضوء (الفوتونات) ويمدد ويعدل مساراتها وهي بتتحرك بأقصى سرعة في الكون (٣٠٠ ألف كم/ث).
إن التحكم في الفوتونات دي معناه فتح أبواب جديدة في عالم الحوسبة الكمية (Quantum Computing) – المجال اللي العلماء بيقولوا إنه هيبقى زي اكتشاف الذرة زمان، حاجة هتغير كل حاجة.
يعني احنا مش بنتكلم عن بحث نظري وخلاص، ده إنجاز بيقود ثورة علمية جديدة، وهارفارد نفسها قالت إنه "سابِق لكل النظريات الكلاسيكية اللي قبل كده"!
كيرلس مكنش لوحده، كان قائد فريق من نخبة علماء الفيزياء في العالم، بس هو اللي فتح الباب، وهو اللي كان بيشيل على كتافه مهمة ضخمة سنين، لحد ما وصل للنور اللي إحنا شايفينه النهاردة.
اللي حاصل ده مش مجرد إنجاز فردي، ده لحظة مفصلية في تاريخ مصر العلمي. كيرلس مش بس مرشح حقيقي لنوبل في الفيزياء، ده كمان بيفتح باب لأجيال جديدة من ولادنا وبناتنا عشان يصدقوا إن مافيش حاجة اسمها "مستحيل".
تحية لكيرلس، ولكل عقل مصري بيسعى في صمت.
وصدق اللي قال:
العلم نور.. والنور من مصر طالع!