اخر تحديث | السبت، ٥ أغسطس ٢٠٢٣
الدراما والسينما وتاثيرها علي الوعي القومي
مستمرين معاكم في كارثة حقيقية بتواجهنا غياب الوعي القومي .. وعشان كده بنكرر كلامنا في المسألة دي تحديدًا
مستمرين معاكم في كارثة حقيقية بتواجهنا غياب الوعي القومي .. وعشان كده بنكرر كلامنا في المسألة دي تحديدًا
القوة الناعمة .. سلاح غير مستغل
سبق وحذرنا من خطورة الاستهزاء والضحك والسخرية من الحضارة المصرية تخيل ده يطلع من فنانين مصر اللي المفروض ناس عندها وعي ثقافي كبير هنا لازم يكون لينا وقفة.
التصالح مع الذات
لازم علي فنانين مصر الاعتراف علي غلطهم المباشر في الحضارة المصرية علي مدار سنين طويلة جدًا وتاخذها ضحك وهزار وايه المشكلة لما نسخر و نستهزأ والناس بتضحك وتسقف أهم حاجه الإفيه الساذج وكله يقبض.
المشهد المذكور من مسلسل "الواد سيد الشحات" علي مدار تلت حلقات استخدموا خرافة عروسة النيل للضحك والهزار وسبق وذكرنا خطورة الأسطورة دي وسبب انتشارها كان فيلم في السينما برضه تتعاد تاني الحدوتو وتترسخ في الدماغ أكتر وأكتر.
مسلسل كوميدي؟
المرادي مسلسل كوميدي يعني اغلبيه اللي هيشوفوا هيكون أطفال متخيلين الكارثة، يبدأ المشهد بخرافة عروسة النيل وتتشرح بجهلها من الفنان لاسف "أحمد فهمي"والملك هيتجوزها بعد كدا تترمي في النيل! غير كده الفنان يقول ازاي يتجوزها تلت أيام ويرميها في النيل ايه الإفترا ده.
فيرد زميله الفنان يقول دي هتبقي هبه النيل يا هناها يا سعدها هتنال الخلود، لك ان تتخيل يرد الفنان احمد فهمي يقول انتو هتولعوا بالمصدقين فيه ده.
مين قال إنهم كانوا مصدقين/معتقدين السذاجة المكتوبة من الأساس؟ ده جهل وعدم دراية حتى بالشيء المكتوب نفسه.
المصرية عبده!؟
التخاريف مخلصتش فدخل علي حكايه العبيد قال ايه ان الكهنة اشتروها والملك هيتجوزها؟ وإنهم يسمو الهراء ده علي اسم ملك من أعظم ملوك مصر صاحب الهرم الأكبر الملك خوفو.
التلت حلقات ميتغفرش لأي فنان شارك فيهم الجدير بالذكر إن الفنان صاحب المسلسل كان من مؤيدين مسلسل الملك احمس لعمرو يوسف وكان شايفه عمل عظيم فاحنا بشكل بسيط قدرنا نفهم عقلية اللي كان شايف.
الخلاصة
احنا بنواجه كارثة حقيقية من ضمن الكوارث لا تقل عن الأفروسنترزم أو دعم متحف المتروبوليتان ليهم أو سرقة الآثار هنا في سرقه العقول فتخيل لما دول يكونوا المفروض مثقفين مصر وقوة مصر الناعمة للأسف الشديد، الحضارة المصرية مش مادة للهزار والسخرية ولو في أي حته في العالم كان مشاهد كوميدية زي دي تم محاسبتها خصوصًا:
• ذكر اسم الملك خوفو
• إهانة للمرأة المصرية
• لعن جدودنا "هتولعوا"
• تخاريف في حق العقيدة المصرية قديمًا
لحد إمتى هيستمر صناع الفن في مصر بإظهار الحضارة المصرية الصورة البائسة دي؟
