•• شريان الحياة المصري الحديث...حابي في شكله الجديد ••

"حابي" سر الحياة.

قديمآ اجدادنا استقروا وبنوا بيوتهم وزرعو اراضيهم علي ضفاف "حابى" شريان الحياة المصري وعاشو حواليه في تجمعات سكنية بدائية قايمة على الزراعة و الصيد وحابي عند المصري القديم كان اسم نهر النيل الي بيشق منتصف مصر وبيغذيها بالمياه والي صنع فيها وادي ودلتا مليانين بالاراضي الخصبة الي ساعدت المصري قديمآ وحديثآ علي زراعة المحاصيل بشكل ضخم وبقا النهر هو مصدر لحياة المصري وحضارته.

التجمعات دي أتحولت لممالك صغيرة و الممالك كبرت و بقت مملكتين ، مملكة في الشمال "بوتو" و مملكة في الجنوب "نخب" و المملكتين اتوحدوا في مملكة واحدة بعاصمة واحدة و حاكم واحد وتحت علم واحد و بقت مصر اللي نعرفها النهاردة و من هنا بدأت حضارة الأسرات على مدار ٣٠٠٠ سنة من مينا نارمر الى كليوباترا السابعة.

المصري القديم وقتها كان عارف إن بدون نهر النيل مكنش هيبقى فيه كل الكلام ده كله فكان بالنسبة له النهر سر للحياة، سر للوجود، سر التنمية و العمار و الحضارة وأطلق عليه "حابي" بمعنى "جالب السعادة" و صوره في هيئة راجل منتفخ البطن (دلالة على الخير الوفير) بيربط بحبل بين زهرة اللوتس و نبات البردي في إشارة ان النهر بيربط بين مدن الصعيد و الدلتا و كان المصري دايما يوصف حابي بـ"العدّاء العظيم" في إشارة لسرعة النهر خصوصًا في مواسم الفيضانات.

ولذلك "حابي" هو السبب الاساسي والمباشر في نشأة الحضارة المصرية العريقة الي كانت سبب في صناعة العالم والتاريخ البشرى الي كان ماشي علي خطاها وخطي علومها وتقدمها, وهو الملهم حاليآ في استمرارية الحضارة المصرية في ثوبها الحديث.

صورة النتر "حابي"

حابي العصر الحديث.

واحنا بنتكلم حاليآ بتقوم الدولة المصرية بأنشاء واحد من اهم المشاريع المصرية في التاريخ وهو شبكة القطار المصري السريع والي هتكون خامس أكبر شبكة قطارات سريعة في العالم ،والي بتقدر ب ٢٢٥٠ كم هيمشيها القطار السريع بسرعة ٢٥٠ كم في الساعة بتمثل تقريبا ١/٥ من حجم شبكة السكة الحديد اللي نفذتها مصر خلال ١٦٠ سنة.

القطار السريع هيكون مكون من 3 قطارات " قطار سريع - قطار اقليمي - قطار بضائع" ولكلآ منهم مهامة في ربط محافظات ومدن الجمهورية المصرية ببعضها.

صورة ال 3 قطارات "السريع-الاقليمي-البضائع"

أهميته.

قطار مصر السريع هيعتبر شريان حياة جديد للدولة المصرية من شمالها لجنوبها و شرقها لغربها وهينطلق أغلب مساره موازي لنهر النيل "حابي" وهيربط اكتر من ٦٠ مدينة ببعض بهدف التنمية و تعمير الصحراء و إقامة تجمعات بشرية جديدة..

وهيستخدم في نقل البضا

ئع و هيكون في تجمعات صناعية على ضفافه و هيقوم بنفس الدور اللي قام بيه "حابي" من الالاف السنين وهو صناعة حضارة حديثة علي خطي الاجداد فا بعيدًا عن ان اسمه مصري أصيل مُعبر عن الهوية و الحضارة المصرية، ولكن اسم "حابي" هو اسم واقعى للمهام الي هيأديها القطار السريع.

شبكة قطارات مصر السريعة "حابي Hapi" هي حلقة وصل ما بين التاريخ و المستقبل.