اخر تحديث | الاثنين، ١٤ أغسطس ٢٠٢٣
برنامج لغتنا القديمة على القناة الأول هيكون له موسم تاني
آخر ٣ سنين اللغة المصرية أخدت زخم واهتمام غير مسبوق وتقريبًا محصلش من عقود طويلة جدًا سواء في البرامج التعليمية او المدارس او الأغاني أو الأناشيد أو الترجمة أو حتى التصاميم والأزياء وده في الحقيقة شيء عظيم.
فلسه من كام يوم تم اعلان إن برنامج لغتنا القديمة على القناة الأول هيكون له موسم تاني عشان تسنمر سلسلة الحلقات التعريفية والهادفة لنشر اللغة المصرية بين الشباب.
ومش غريب أبدًا إن شباب كتير يكون متحمس حتى يتعرف على أساسيات اللغة المصرية اللغة اللي كان بيتكلمها أجداده واللي لسن عايشة في وسط لهجته المصرية من غير ما يدرك.
وعشان كده شباب كتير اتحمس إنه يتعلم رموز الخط الهيروغليفي ويبدأ يكتب بيها بس على شكل الفرانكو عشان يكون تدريب بسيط على نطق الحروف والتعرف على الرموز.
لكن مهم لينا كمنصة دورها التوعية إننا دايمًا نساعدكم ونسهل عليكم المسائل والمصادر عشان متكتفوش بس بكتابة الهيروغليفي كفرانكو.
لا وكمان تقدروا تعرفوا نفسكم لأي حد بمنتهى السهولة في المقالة دي هنحطلهم مصادر تهم أي حد حابب يتعرف على اللغة المصرية بالخط الهيروغليفي.
كيبوردات هتساعدكم على كتابة اللغة المصرية
برامج وكورسات للغة المصرية بالخط الهيروغليفي
قاموس لغة إنجليزية - لغة مصرية
أبلكيشن للتدريب على الرموز كلها
ابلكيشن اسماء ملوك مصر كلهم بالهيروغليفي
وختامًا حبينا نشارك معاكم بجمل تعريفية عننا باللغة المصرية
𓇋 𓀀𓈖𓈖𓏥 𓊪𓅱 𓂋𓈖𓈖𓏯𓀔 𓍯𓂝𓇋 𓇋𓀀𓈖𓈖 𓏥𓊪𓅱 𓆎𓏏𓀀𓁐𓏥 𓅓 𓇋𓀀𓈖𓈖 𓅱𓋴𓐍𓎺𓏛 𓅱𓆼𓄿𓂻𓈖𓏥 𓄞𓆓 𓏲𓂡𓈖𓏥 𓈖 𓃀𓇋𓄿𓏏 𓎺𓄑𓀁𓋴 𓂋𓏤 𓅓 𓆎𓏏𓅓𓊖
احنا شباب وعي مصر معتزين وفخورين بالانتماء لبلدنا وبنسعى لاستعادة هويتها وثقافتها ولغتها نحن مصريين.
